Faustino Santalices (1877-1960) está considerado o investigador máis importante de zanfona en España da primeira metade do século XX. Este gaiteiro de Bande quedou prendado da zanfona cando de mozo lla escoitou tocar a un cego.
No 1927 gravou dúas pezas con este instrumento. Estudou, recolleu e mellorou tecnicamente a zanfona. No 1949 editou en Madrid un disco completo, titulado Gravaciones históricas de zanfona. Tamén escribiu o primeiro libro español sobre este instrumento: La zanfona (1956).
Co apoio da Deputación de Lugo, fundou nesa cidade un Taller-Escola de Instrumentos Galegos no que formou artesáns para que a tradición da zanfona ibérica non se perdese.
